Home Dutch Kingdom kuerpo polisial di Korsou ta informa: Proyekto den kuadro di COVID-19.

kuerpo polisial di Korsou ta informa: Proyekto den kuadro di COVID-19.

SHARE

Polis di bario di Montaña Inspektor Ancita konhuntamente ku personal di SOAW, KMAR i Departamentu di Komunikashon i Prevenshon, djaluna 23 di mart 2020 a drenta bario di Montaña i a bishitá 5 kas den e área. Despues ku diferente organisashon di e bario a hasi un sondeo den e área, a konstatá ku tin algun kas kaminda tin hende grandi so ta biba i algun famia di menos rekurso. A tuma nota ku e suidadanonan aki tabatin nesesidat di yudansa relashoná ku e situashon aktual di COVID-19. E komishon konsistiendo di e servisionan ariba menshoná a hiba algun produkto pa desinfektá i tambe algu di komestibel pa asina alivia e suidadanonan aki den e situashon aktual. Ta e intenshon pa e instansianan aki huntu sigui bishitá mas di e kasnan kaminda nan por duna un man.