Home Police Drone kier a bay haci delivery marduga na KIA

Drone kier a bay haci delivery marduga na KIA

SHARE
Santo di Patia –  Diaranson marduga ariba e di 4 dia di TQD polis a wordo informa di un incidente na KIA, e tawata relaciona cu un Drone.

Pues esaki a sosode momento cu tin TDQ. Na e mesun un momento Dronenan awendia ta hopi sofistica cu nan ta bula kilometernan leu.

Dus ta bira dificil pa sa ken ta manehando e controlnan y mucho menos pa sa na unda e persona ta.

Diaranson marduga durante control personal na KIA a bin haya un Drone ariba e tereno, esaki tawata motibo pa a avisa polis.

Segun informacion, no ta prome biaha esnan afo ta manda Drone KIA.  Aña pasa a registra varios caso, unda cu Drone(nan) ta wordo manda KIA pa haci delivery.

E delivery specialnan aki ta dificil pa e personal saca afo ta pa ken e ta.

E drone(nan) sofistica aki tin e capacidad pa carga mercancia, manera mas cu un cellular pareu, droga etc etc. Personal atento di KIA manera señala un Drone nan ta bente abou mesora.

Polis a presenta na KIA y a tuma datonan di e susedido.