Awe nos ta trata presupuesto di pais Aruba den e momento di e crisis. Tur cos a cambia, e panorama a cambia den un corto tempo por completo. Tin un calculacion di 25 mil persona cu a of lo bay perde trabou. Esaki ta traduci den 64 miyon florin pa luna na salario.
Impacto Social
E impacto ta sumamente grandi. 25 mil famia ta pasando den e situacion dificil aki. Ta importante pa realisa cu e situacion aki no a afecta solamente e grupo grandi aki, pero tur hende den nos sociedad. E impacto no ta solamente finaciero, pero tambe social y emocional. Ta importante pa realisa cu esaki no ta e momento corecto pa haci politica, pero pa uni como pueblo pa e bienestar di nos tur.
Proceso
Den e proximo luna Gobierno lo presenta e tercer fase cual ta encera e pasonan structural cu mester wordo tuma pa nos yega bek na e realidad prome cu e crisis. Nos di fraccion MEP ta dispuesto pa entrega mucho mas cu simplemente 1000 florin pa 3 luna. Mas bien nos lo ta solidario pa entrega algo mucho mas significativo na bienestar di nos ciudadanonan.
Conclusion
E unico manera cu nos por combati e virus aki nos tin cu ta solidario cu otro. Nos tin e mesun meta y nos mester tin e mesun recursonan y esey ta e manera exacto cu nos por atende y combati e situacion aki cu por presenta. Laga nos ta na disponibilidad di otro, pa nos por ta e fortaleza un pa otro. Ban tuma e momento aki pa reflexiona y pensa kico no ta bai haci di awo pa dilanti pa bo mes, bo famia y nos pais.