Home » Cuerpo Policial ta informa, Di 4 dia di TOQUE DE QUEDA a conta cu 29 detencion.

Cuerpo Policial ta informa, Di 4 dia di TOQUE DE QUEDA a conta cu 29 detencion.

by Admin
0 comment 74 views

Ayera diamars 24 di maart tabata e di 4 dia di TOQUE DE QUEDA. Cuerpo Policial un biaha mas tabata bastante ocupa y a haci detencion den diferente districtonan. Total a detene 29 persona .

Pa 9or di anochi e prome detencion a cay pa loke ta e TOQUE DE QUEDA na ponton.
Despues di esey tabata tin mas detencionan cu a tuma lugar na varios parti di Aruba.

Tambe polis tabata man yen pa loke ta candela den diferente barionan. A topa cu barinan cu sushi cla pa wordo kima na Seroe Patrishi, tambe mas den anochi na madiki y tambe riba Watty Vos Boulevard.
Brandweer a presenta na e sitionan y paga e candela.
Polis a haya nan confronta tambe den e dos ultimo dianan cu clabonan riba caminda,tambe objectonan manera bloki, palonan cu clabo den nan poni riba caminda.

Cuerpo Policial kier a recorda cu ora ta papia di TOQUE DE QUEDA ta algo hopi serio y mester cumpli cu esaki.
TOQUE DE QUEDA kiermen no ta permiti pa abo ta riba caya. Abo como cuidadano keda bo cas.
E TOQUE DE QUEDA ta cuminsa di 9or di anochi te pa su mayan mainta 6or. Tene bon cuenta cu esaki .

Aruba ta pasando den un tempo dificil pa loke ta e Coronavirus ( COVID-19) Ban respeta leynan y corda riba loke ta e multanan en conexion cu e TOQUE DE CUEDA. Esaki por yega te na un multa maximo di afl 10.000,-

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio