HULANDA – Haime Croeze, Arubiano y doño di HCWebAdvies na Hulanda, a lansa ‘Akinosta’ (akinosta.com). Ta trata di un plataforma digital unda tur negoshi local y persona cu kier yuda comunidad di cualkier forma por profila nan producto y servicio gratuitamente durante henter e periodo di crisis actual.
‘E lo keda gratis’, asina señor Croeze a confirma, ‘te dia cu cos drecha atrobe riba tur tres isla’. E la weita varios iniciativa bunita riba red social, tanto di compania como di persona priva, cu kier duna un aporte na nos comunidadnan den e tempo dificil aki. Grupo di boluntario cu ta haci compras pa nos cuidadanonan di edad avansa, companianan cu ta traha hunto pa realisa servicio di entrega hunto y asina hopi mas.
E meta di Akinosta ta pa trece tur e iniciativanan aki hunto di tal manera cu tur hende por haya informacion actual y di un manera facil dirigi riba nan necesidad particular.
E plataforma ta den operacion y ta accesibel via internet riba akinosta.com