Home International Curpanan a cuminsa spula na costa di Guajira, posiblemente di esnan cu...

Curpanan a cuminsa spula na costa di Guajira, posiblemente di esnan cu a sali direccion Aruba entre 13 pa 15 di maart

SHARE
Venezuela/Colombia Guajira – Diadomingo anochi a cuminsa circula ariba rednan social imagen di un resto di un curpa humano. Esaki lo a wordo haya na costa di Guajira.

Mesora e a wordo asocia cu un di e personanan cu tawata den e peñero cu a sink.

Riba e weekend di 13 pa 15 di maart un peñero cu varios persona den dje a sali direccion Aruba. Manera ta wordo bisa na Venezuela pa por haya un miho futuro.

Tur esnan abordo, lo tawata tin e intencion di drenta Aruba ilegal. Debi cu ta un embarcacion ilegal, Gobierno Venezolano no ta dispone di ken tur tawata den dje y tampoco e cantidad. Solamente famianan sa esey. A wordo papia di un peñero cu 19 hende abordo, pero e cifranan ta varia debi cu ta embarcacionnan clandestino.

Segun informacion, hasta mucha tawata tin den e peñero.Tragedia tawata speranan, no mucho leu di unda cu nan a sali e boto lo a sink.

E capitan y aparentemente dos persona mas o sea esnan cu lo ta na mando di e boto si a scapa.

Informacion cu ta dispone di dje a indica cu e Capitan a wordo haya y ta deteni. Un compañero di dje si a logra huy.

E hoben,David Rafael Revilla Colina, tawata un di esnan cu a sali di Paraguana direccion Aruba pa drenta ilegal.

Sin sa cu tragedia tawata speranan, momento cu e boto a sink.

Diadomingo merdia a cuminsa circula un foto, unda a bin haya un curpa den estado avansa di decomposision na costa di Guajira.

Esnan cu conoce David Rafael Revilla Colina a reconoce e paña y asina a haya sa cu tawata e. Den e area ey no  tin niun hende perdi.

Dialuna a haya un curpa mas, y esaki tawata wanta na un container di gasolin bashi, pero esaki si no tawata tin nada mas di paña na su curpa. Y despues a sigui haya mas curpa, indicando cu mayoria a muri.