Home International Coronavirus: 1 den cada 5 persona na mundo ta actualmente bou ‘lockdown’

Coronavirus: 1 den cada 5 persona na mundo ta actualmente bou ‘lockdown’

SHARE

Mundialmente tin un total di 378,679 caso confirma di Coronavirus (COVID-19). Mas cu 16,500 persona a fayece a causa di e virus, y casi 101,000 persona a recupera di esaki.

COVID-19 ta un virus cu ta plama rapidamente. E director- general di World Health Organization (WHO), Tedros Adhanom Ghebreyesus, a splica cu den 67 dia a surgi 100,000 caso di infeccion.

Tin casi 1.7 biyon hende cu a wordo ordena pa keda cas mientras gobiernonan na mundo ta tuma mas y mas medida extremo pa combati e pandemia. Mientras cu paisnan ta man na cabes y preocupa con pa proteha nan ciudadanonan di e virus, Presidente Trump ta papia di con pa habri e economia Mericano bek.

40% di e populacion Mericano a wordo poni bou cierto restriccion. Leynan a wordo poni den vigor pa prohibi y hacie un acto criminal pa individuo cumpra y acumula cantidadnan grandi di equipo medico.