[Aruba, 18 di maart, 2020.] Di acuerdo y cumpliendo cu recomendacion di gobierno y nos reglanan di bon ciudadano pa proteha nos comunidad durante e epidemia di COVID-19; Arcos Dorados, operador di e marca McDonald’s na Aruba, lo sirbi su clientenan solamente via di AutoMac (drive thru). Bo salud y esun di nos empleadonan ta nos prioridad. Pa es motibo, desde awe March 18, 2020 nos restaurantnan su counter y dining area no lo ta habri pa publico te cu proximo aviso.
E decision aki ta bini cu medidanan preventivo pa evita e crecemento di e virus COVID-19 y e ta alinia cu e recomendacionnan di autoridadnan local incluyendo e anuncio di Aruba su Prome Minister pa implementa “social distancing”.
E desicion aki no lo tin un impacto riba salario di nos empleadonan, mirando cu nos lo sigui paga salario di cada un di nos empleadonan mientrastanto e situacion aki prevalece, y dunando asistencia ora mester.
Arcos Dorados a intensifica su metodonan di higiena y seguridad alimentario pa sigui ofrece productonan di McDonald’s pa medio di AutoMac (drive thru). E compania a aumenta frecuencia di desinfeccion di man pa tur su empleadonan -di cual den circunstancianan normal ta un procedura obligatorio cada ora- y ta desinfecta cu mayor frecuencia tur superficio cu ta den contacto cu publico.
“Na McDonald’s, nos prioridad principal ta pa proteha salud di nos empleadonan y clientenan. Nos ta compromete pa ahusta operacion pa sigui ofrece un alternativa pa nos clientenan por tin acceso na nos cuminda durante e emergencia aki; re-enforsando nos standardnan di seguridad di alimento, limpiesa i higiena,” segun Nurdrey Granviel, Market Manager na Arcos Dorados Aruba.
