Oranjestad: Diamars 10’or di anochi, Aruba a conoce pa prome biaha un “Lock Down”. Mayoria di negoshi a cera nan porta exactamente pa 10’or di anochi. Varios patruya di polis a pasa controla y mayoria di lugar tabata cera, algun tabata cerando y otro algun hende tabata para pafo di e establecimento combersando prome cu bay cas, e personanan aki polis a pidi nan pa bay cas y e hendenan aki tabata haci’e tambe.
Bo por bisa cu e commerciantenan na Aruba a sigui e ordo di cera 10’or di anochi. Polis tabata keda riba patruya pasando diferente caminda y controla pa no tin aglomeracion di hende of si tin establecimento ilegalmente habri.
Pero mester bisa cu e tabata pa prome biaha den historia cu 17 di Maart anochi tur cos tabata hopi keto na Aruba, e prome 18 maart cu a habri asina keto.
