Hoben adicto deteni den Panamastraat

Panamastraat – Diabierna anochi polisnan a bay Panamastraat unda un persona lo a kier a bay cu cellular di un persona.

Durante e intento e homber aki lo a herida e persona.

E adres aki ta uno conoci tambe pa polis, ta mustra cu varios persona cu adiccion sa frecuenta e cas.

Parse cu e hoben esta e adicto cu a ranca e celular tawata keda un tempo caba na e adres aki.

Un situacion basta fastioso pa esnan cu ta biba rond, segun e habitantenan niun instancia lo ta duna oido na e problema aki.

Na yegada di polis nan a bay over na detene e hoben adicto y transporte pa warda, unda cu posiblemente lo wordo cera pa algun rato y lo ta bek ariba caya pa sigui causa problema.