Departamento di Salud Publico ta atendiendo cu un caso sospechoso di COVID-19

Oranjestad – Diabierna mainta den careda di 10’or DVG a manda un comunicado pa media, unda cu test a wordo haci ariba un turista y ta wardando resultado.

“Testnan a wordo haci ayera nochi serca e turista aki caba y ta wardando resultado.

Ta trata aki di un turista mericano cu a bin traha como consultant na un compania na Aruba.  

Na e momento aki e turista ta isola pendiente resultado. 

Manera cu Departamento di Salud tin mas informacion nos lo informa comunidad”.