69
Alto Vista – Diahuebs den oranan di merdia informacion a drenta cu un UTV lo a bolter ariba e caminda pa bay Kapel di Alto Vista.
Informacion adicional a bisa cu e turista lo a herida su mes seriamente na un brasa.
Na yegada di polis di trafico e ta topa cu un homber turista, cu lo ta un Paramedico.
Segun ela bisa polis cu e dama lo mester asistencia medico lihe, door cu ela herida un brasa y lo tawata sangra.
Na e sitio por a mira agentenan di trafico mustrando con e accidente sosode.
E UTV lo tawata parti di un tour y bahando di Alto Vista lo a bay na su man drechi den tera, perde control y bolter ariba su banda drechi.
E dama lo tawata na banda sinta y di e manera ey ela herida su man.
Paramediconan a atende y despues di a stabilise a sali direccion Hospital.