Parlamentario Jennifer Arends-Reyes E reforma fiscal ta basicamente mas aumento di impuesto pa Aruba

Oranjestad: segun sra Arends-Reyes realidad ta cu Aruba ta ‘overtaxing’ tur cu ta purba biba dignamente na Aruba cu consecuencia cu Aruba su costo di bida a bira desproporcional na locual cu ta entrada di famianan na Aruba cu tur su consecuencianan, awor e balans ey ken ta responsabel pa mantene? E gran reforma fiscal e resulta di ta un pakete di medida cu ta beneficia gobierno so. Entradanan presupuesta cu mester drenta den e proximo 8 lunanan ta e.o. 15 miyon na permiso pa cultiva cannabis cual ta mustra mas un stunt politico cu francamente no ta mustra realisabel, caminda gobierno practicamente ta bira dealer di ‘droga’ illegal of lo mester decrimalis’e pa plantacion pa esnan cu ta dispuesto pa paga sumanan miyonario so, aumento di 6% di bbo na entrada, aumento di hasi negoshi basa riba importacion y foreign exchange, cual 99% di tur nos productonan ta importa sin lubida e e-commerce cu ta algo cu Aruba tawata kier a continua di amplia, awor ta wordo desencurasha fuertemente. E inflacion y costo di bida lo bolbe subi of e negoshantenan lo absorbe un aumento mas? Hecho ta cu costo di bida lo aumenta y ta parce cu sindicatonan a ‘give up’ despues cu nan no ta haña oido y no a continua mes mas pa busca derechonan di nan miembronan. E cifranan di problemanan social a aumenta durante e ultimo añanan di gobernacion di Mep-Por-Red y e fondonan no ta yega ni cu 36 miyon pa inverti si e cifranan ta mustra aumento enbes di reduccion. E veld social no por yuda optimal siendo cu famianan ta pasando den temponan dificil. Por tum’e criticanan real aki con cu kier pero tur locual cu AVP a bin ta vocifera y premira di lunanan adelanta ta pasando awor ta e ora pa Parlamento para e desaster entre otro di exihi 35 miyon di ATA sin conta si lo pidi di fondonan di emergencia tambe y riba dj’e kier cambia ley pa ATA y AHATA nan man ta bon mara y nan a haña como stakeholdernan principal un ‘slap in the face’ cu nan no tin mucho mas di bisa riba e rumbo di Turismo. E ta un ‘fast ball’ di e gobierno actual mirando cu AHATA a duna ATA e confiansa pa ta e autoridad encarga cu mercadeo di nos Turismo y awor gobierno ta pone metaforicamente bisa tur dos sinta den un huki pareu, cortando riba mercadeo y aumentando tur costo mey mey di un ‘perfect storm’ cu efectonan devastador pa nos na Aruba cu ta depende di Turismo sra Arends-Reyes ta termina bisando.