149
E siman aki, Prome Minister Evelyn Wever-Croes hunto cu colega Minister Andin Bikker a reuni cu Embahador di Reino na Washington, sr. André Haspels y e Consul General di Reino na Florida sra. Ruth Emmerink. Tambe tawata presente nos Minister Plenipotencario na Washington sra. Joselin Croes.
E relacionnan entre Aruba y Merca ta hopi importante y a traves di Embahada di Reino na Washington y nos Minister Plenipotenciario na Washington nos ta mantene esakinan un prioridad.
Den e reunion a toca diferente tema di interes comun den e relacion entre Aruba y Merca. Un tema cu sigur a haya atencion ta e tema “Venezuela” y e impacto cu e crisis den Venezuela tin riba Aruba, principalmente con comunidad internacional por yuda den esaki.
