162
L.G.Smith Boulevard – Diamars anochi laat patruya di Noord a bin topa cu un accidente di trafico. Esaki a sosode na e crusada di Palm Beach Plaza.
Agentenan a baha pa controla tur cos y a haya sa cu dama lo tawata sinti su nek.
E autonan envolvi tawata un Ford Explorer y un Kia Rio.
Segun chauffeur di e Ford, e no a mantene distancia entre su vehiculo y e Kia Rio.
Diripiente e Kia Rio a cera brake y causa cu ela dal su tras.
Debi na e impacto un dama den e Kia Rio a sinti su nek.
Paramediconan cu a yega na e sitio a trata e dama.
Polis di trafico a yega na e sitio tambe. Tur papel tawata na ordo.
