Home Sports Aruba Paralympic Coaches Workshop & Para Sport Camp 2020

Aruba Paralympic Coaches Workshop & Para Sport Camp 2020

SHARE

Aruba Paralympic Committee ta invita tur coach di atletismo, zwemmen, y ciclismo pa join nos coaches workshop dia 13, 14 y 15 di Maart. E workshop ta gratis. Tur persona ta invita pa join e workshop aki. Sea bo ta un coach caba of bo ta interesa den sinja mas over di deporte Paralimpico. E meta di e curso aki ta pa promove e desaroyo di deporte Paralimpico na Aruba. Den e workshop aki bo lo hanja e parti theoretico y practico di Para-atletismo, Para-natacion, y Para-ciclismo.
Den e parti practico lo bo hanja e chens pa identifica y train atletanan cu por ta atletanan Paralimpico den futuro. Pa e motibonan aki nos ta invita tur atleta cu limitacion pa bin join nos trainingscamp cu lo ta riba dianan 13 y 15 di Maart durante e mesun horario cu e coaches workshop. Asina bo por hanja e chens di sinja mas over di e deportenan Paralimpico cu bo por train na Aruba.
Pa registra por subi nos Facebook page Aruba Paralympic Committee pa hanja e link pa registra. Tambe por tuma contacto cu nos na +297 566-8300 pa mas informacion of pa bo hanja e link via Whatsapp.