Palm Beach – Diasabra den oranan laat di anochi, automobilistanan den area di Hot Zone a presencia loke tawata un pelea memey caminda.
Mesora a avisa polis y cu hopi urgencia polis a bay den direccion di Hot Zone.
Na yegada nan a bin compronde cu un homber bou influencia di un of otro substancia lo a haye den problema cu e securitynan di un bar eybanda. Kiko lo por a causa e problema aki y cu e pelea a bay termina memey caminda no ta mucho cla. Polis a detene e homber y a pidi pa transportwagen di polis.
Transportwagen di polis a presenta y a transporta e homber den boei pa warda.
Na warda varios polis tabata wardando riba dje, paso nan lo a kere cu kizas e homber lo ta altera ainda, pero esaki no tawata e caso. E homber tawata hopi trankil y a baha cana manera nada un pasa.
