Tangerinastraat, Tarabana: Diabierna algo prome cu 9’or di anochi presencia di polis a wordo pidi cu urgencia den Tangerinastraat pa un problema di bisiña.
Na yegada e patruya a bin topa cu e doño di un cacho crioyo, e cacho su boca tabata tur na sanger. Na e sitio polis a bin compronde cu e bisiña lo a maltrata e cacho aki, pa motibo cu cacho tabata riba caya y lo a ataca e bisiña na momento cu e bisiña a sali for di su cura di cas. Despues di esaki a surgi un problema cu a bay for di man entre doño di e cacho y su bisiña.
Segun varios habitante den e caya aki, e doño sa laga su cura di cas hopi biaha habri y e cacho ta sali bay riba caya. E cacho ta brabo y e habitantenan tin miedo di dje paso e ta ataca hende cu pasa den e caya aki. Aparentemente elo a morde varios persona caba.
Polis a detene e bisiña pa maltrato y tambe a papia tur na bon cu doño di cacho, a splicanan riba e consecuencianan di laga e cacho brabo riba caya.
Polis a transporta e bisiña pa warda di polis
