Franse Pas/Rooi Taki – Diasabra marduga den careda di 3:30 911 a haya informacion cu un auto a bolter den Franse Pas.
Mesora polis a sali direccion pa Franse Pas.
Den e bocht di Rooi Taki bay zuid yegando e bocht polisnan a topa cu un auto gebolter y algun meter mas leu un Toyota Tercel.
Pues tawata trata di un accidente entre dos auto. Na prome instante a pensa cu tawata un auto.
Agentenan a baha y nan a cuminsa averigua si tur hende ta bon y esaki tawata e caso tambe. Tur esnan envolvi tawata pafo di nan auto.
https://www.facebook.com/arubanative/videos/1075145862845069/?t=8
Pero, agentenan a nota tambe cu e esnan envolvi den e accidente tawata bou influencia.
E accidente mes a sosode momento cu un dama na stuur di e Toyota Tercel tawata bayendo direccion zuid o sea pa Sabana Basora.
E Hyundai Getz tawata biniendo di pazuid . Eynan ta unda cu e dama bastante bou influencia a bay na su man robes y a dal contra e Getz pone perde control bolter.
Na stuur di e Getz tawata tin un cabayero, cu a sali despues di un rato sin un rasca loke ta bon.
Na yegada di polis tur e partidonan tawata trankilo cu otro papiando, algo cu bo no sa wak mucho.
Posiblemente door cu nan tur tawata bou influencia.
Alco-sensor
Na final despues cu agentenan a tuma tur datos a yega e momento di laga e partidonan o sea esnan envolvi supla.
Prome tawata e dama, cu tawata na joramento.
Ela supla y a surpasa e limite di alcohol stipula pa ley y mesora a wordo lesa su derechonan y tambe a wordo poni den boei.
Despues tawata turno di e chauffeur di e Hyundai Getz e tambe a surpasa e limite di alcohol y mescos cu e dama ela wordo bisa su derechonan etc etc y a pone den boei.
Na caminda pa e Transportwagen e dama a laga su curpa cay despues di algun papiamento e mster a subi den e Transportwagen toch.
Na final agentenan a detene un homber mas na e sitio cu tawata keda stroba polis su trabou.
Pues en total tres hende burachi a wordo deteni despues di e accidente.
