149
Avenida Nelson O.Oduber – Diabierna merdia den careda di 2’or informacion a drenta cu un auto a bolter y bay termina den Bubali Plas.
Mesora varios unidad cu tawata cerca a cuminsa bay e direccion pa si tin hende herida y duna ayudo.
Na prome instante polis no por a haya e vehiculo.
Pero un rato despues un otro patruya a localisa esaki un poco pazuid di ex House of Cheng.
Na e momento eynan ya e chauffeur mes a logra a sali y probablemente lo tawata warda polis.
Segun e chauffeur, elo tawata bayendo direccion zuid cu velocidad halto y dado momento a perde control ariba e vehiculo. Esaki a causa cu e auto a kita bay na su man drechi y bolter bay cay den Bubali plas.
E chauffeur a ricibi algun golpi, pero no tawata desea asistencia medico.
Takelwagen mester a presenta por a saca e vehiculo cu ta un Toyota Yaris color shinishi.