140
Diabierna ultimo Prome Minister Evelyn Wever-Croes, hunto cu sra. Eva Schloss, ruman di Anne Frank, a haci un ofrenda floral na e estatua di Anne Frank na Wilhelmina Park. Anne Frank ta un simbolo di e di dos guera mundial, cu a bira conoci despues di su morto cu e publicacion di e Diario di Anne Frank, den cual e ta describi su bida y di su famia, den e luga na unda nan a sconde durante añanan 1942 pa 1944, durante e ocupacion aleman di Hulanda den di dos guera mundial. Diario di Anne Frank ta un di e bukinan mas conoci mundialmente. Eva Schloss ta na Aruba pa un seminario cu lo tuma luga diadomingo awor.