Hoben ariba bicicleta a bay dal contra tire di truck di Elmar

Hooiberg – Diabierna pa mas o menos 12:30 polis a bay altura di Maiky’s unda un auto a dal a nucha ariba bais.

Na yegada di polis nan a topa cu un truck di e compania Elmar y e mucha cu su bicicleta.

Segun a wordo bisa na e sitio e hoben lo tawata coriendo zig zag ariba caminda.

Door di e manera iresponsabel di core esta zig zag ela bay dal contra e tire di e truck di e Elmar. Chauffeur di Elmar lo a trata na evita lo peor pero asina mes e hoben a dal contra e tire di e truck.

E hoben lo a dal su pia y tawata sinti dolor y na yegada lo a wordo controla door di Paramediconan na e sitio mes.