78
Paradera – Diamars merdia algo prome cu 1:30 durante cu Forensys tawata atende un boksmento entre doa auto cu a dal tras di otro, ta sosode un otro accidente.
E prome accidente tawata momento cu un Suzuki Swift a dal tras di Toyota Rav4.
Durante cu nan tawata para ariba caminda un dama na stuur di un Hyundai Tucson no a pone atencion su dilanti.
Pa ora cu ela ripara cu ta un boksmento tin entre dos auto, ya tawata laat. E dama di e Tucson a cera brake, pero no por a evita e impacto.
E ta dal e Suzuki y e Suzuki ta dal e Toyota Rav4 un biaha mas.
Un persona a resulta levemente herida durante e impacto.
Segun un di e chauffeurnan envolvi, nan tawata tin como 30 minuut wardando pa tanto polis y ambulance.
Despues di basta warda polis a yega prome y despues di algun rato ambulance.
Paramediconan a atende cu e persona herida.