Kuerpo policial di Korsou ta informa: Detenshon pa intento di asesinato, maltrato i destrukshon.

Willemstad, Korsou:

Relashoná ku un kaso di intento di asesinato c.q. intento di homisidio, maltrato ku arma i destrukshon, Polis a hasi detenshon di un hòmber. Djasabra 22 di febrüari 2020, alrededor di 15.25 or, riba òrdu di Ministerio Públiko, polis a detené e hòmber sospechoso G.S.S., nasé na Kòrsou di 24 aña di edat. Detenshon a tuma lugá na su kas na Welatina. A presentá e sospechoso dilanti di un Fiskal Ouksiliar, ku a ordená su enkarselamentu pendiente di mas investigashon.