Tenerife, Spaña – 1000 turista mester keda sigur 14 dia den cuerentena na Hotel H10 Costa Adeje Palace. E motibo pa esaki ta cu un cabayero Italiano di 69 aña huesped di e hotel a wordo diagnostica cu e Coronavirus.
E homber ta di e area norte di Italia unda actualmente tin un brote di e virus. Por lo menos un 13 huesped di e hotel ta Hulandes. Tur huesped mester keda sera den nan camber y lo wordo getest pa e virus.
E hotel lo percura pa e huespednan durante e periodo aki. Representate di TUI, cu a organisa e viahe y vacacion aki a bisa di ta pendiente pa cualkier suceso. Tambe e compania declara di ta continua cu tur viahe pa Tenerife y vacacion pa e otro hotelnan den e area.
E huespednan Hulandes, a informa cu nan ta den espera di mas instruccion for di e dirigentenan di e hotel y tambe for di autoridad Spaño. E hotel ta den ‘full-lockdown’. Aki por mira un imagen cu un di e turistanan a pone riba su Facebook, e ta un porta na candal.
E hotel ta na lock pa preveni persona di sali. Na prome instante comunicacion entre autoridad Spaño (y e management di e hotel) pa cu e turistanan no tawata bon y ta por medio di prensa algun huesped a bin haya sa kico ta pasando.