Boksmento cu hopi daño material riba L. G. Smith Boulevard

L.G. Smith Boulevard: Diadomingo den oranan di marduga a sosode un accidente riba L.G. Smith Boulevard na altura di Certified Mega Mall. Mesora a manda pidi pa presencia di polis.

Na yegada nan a bin compronde cu un Toyota Yaris tabata biniendo di pariba y a bay bira links, su tras tabata biniendo un Huyndai Van, e chauffeur di e van no a por a controla su velocidad na tempo y a dal hopi duro tras di e Toyota Yaris.

E impacto fuerte a laga ambos auto cu basta daño material. Den e accidente aki niun persona a resulta herida.