Chitetsu Watanabe, a nace 5 di Maart 1907 na Niigata, Japon. E tawata e ruman mayor di 8 ruman. Despues di a gradua di scol pa agricultura, Chitetsu a traha hopi tempo pa Dai-Nippon Meiji Sugar. E tawata encargo di yuda maneha plantacion di caña di sucu na Taiwan.
Chitetsu a biba 18 aña na Taiwan, a casa y haya 5 yiu cu su señora. E a sirbi tambe un tempo como militar na aña 1944. Despues di e guerra Chitetsu a bay biba bek na Niigata, e area Japones unda e a nace.
Chitetsu a traha te cu su edad di pensioen na un oficina di agricultura. E a sigui si semper activo. Na aña 1974, Chitetsu a traha un casa nobo cu hunto cu su yiu homber. Riba e tereno e a planta varios mata di fruta y berdura. Chitetsu keda activo den agricultura te cu su di 104 aña.
Famianan di Chitetsu a splica cu nan a pasa den hopi tempo dificil hunto y hasta a pasa hamber. Su yiu homber a conta cu nunca e a mira su tata hisa su voz den cas o rabia.
Semper e a sostene su yiunan den e metanan cu nan tin. E a pasa hopi tempo cu famia. Hungando cu su nieto y bisanietonan, pues semper un homber di famia.Chitetsu a laga sa cu su secreto pa un bida largo ta pa semper tin un sonrisa riba bo cara.
Como cu e a traha basta aña cu un compania di sucu, e ta gusta un cos dushi. E ta encanta un custard pudding. Na e momentonan Aki e ta biba den un cas di anciano na Niigata, Japon. Pa celebra e anuncio cu e ta e homber mas bieu di mundo e a ricibi un certicado.