ORANJESTAD, Aruba –16 februari 2020: Dia 1 di februari 2020 a regresa Aruba for di China algun residente Chines. Segun informacion ricibi e residentenan aki no a hospeda na ningun region afecta pa Corona Virus COVID-19 na China tampoco a mantene contacto cu ningun hende malo, cu ta e criteria defini pa considera un persona sospechoso.
Pa ta sigur cu e famia aki no tin e virus y ta encontra nan mes den periodo di incubacion unda sintomanan lo aparese despues, seccion di malesa infeccioso a pidi colaboracion di e famia pa keda den cuarentena pa 14 dia. E famia a compronde esaki y a colabora cu e proseso. Durante e 14 dianan cu a pasa e seccion responsabel a controla e famia tur dia riba sintomanan di griep relaciona cu corona virus COVID-19.
Awe despues di 14 dia Departamento di Salud Publico por informa cu e famia encuestion ningun dia a presenta ningun sintoma sospechoso y desde awe 15 di februari ta liber di cuarentena.