Savaneta/Pos Chikito – Manera tur aña Motor Unit ta un di e departamentonan di Cuerpo Policial cu ta eherce controlnan di trafico durante y despues di actividadnan grandi, manera durante e periodo di Carnaval.
Esaki ta pa trata na kita mas chauffeur burachi for di caminda cu lo por causa desgracia serio na personanan inocente.
E aña aki no tawata diferente y na puntonan strategico manera altura di La Granja Savaneta y rotonde Pos Chikito a efectua nan control.
Aki ta sigui e resultado di e controlnan haci.
Un total di 25 persona a wordo deteni.
Di cual 22 chofer pa maneha auto bou influencia di alcohol y alaves 2 di nan pa core sin rijbewijs.
1 chofer pa core sin rijbewijs.
1 persona pa resisti contra polis siendo cu e tawata ocupante den e auto.
1 chofer pa intento di asesinato, maltrato cu un arma, menasa, destruccion, bou influencia di droga y alcohol, pa maneha un vehiculo di tal manera cu ta trese bida di otronan den peliger ( Kapstok artikel) y rijbewijs.
Mester menciona cu e chofer aki a core pa motorunit y despues bay dal intencionalmente den Patruya di Santa Cruz ora cu nan tambe a purba di intercepte y despues nan a resisti pa cu nan aresto.
E chofer y e ocupante di dicho auto, ta keda sera pendiente di mas investigacion, recherche a tuma nan over y lo sigi investigacion penal.
Cuerpo Policial ta keda conseha pa si bo ta pensa di bebe alcohol hasi uso di bo AMIGODIDI pasobra controlnan di nos motorunit lo continua despues di cada evenemento di carnaval.
Te aworaki 5 chofer nan rijbewijs a wordo kita.
