Home Politics Parlamentario Endy Croes: CAFT a duna Aruba compliment. “Cifranan extra oficial ta...

Parlamentario Endy Croes: CAFT a duna Aruba compliment. “Cifranan extra oficial ta duna cu Aruba a cera aña 2019 cu un Surplus chikito”

SHARE

Parlamentario Endy Croes a splica cu Parlamento tabata tin un reunion cu CAFT kendenan ta pa algun dia na Aruba. Mas cu claro e tipo di reunionnan aki ta “gesloten vergadering” y no ta tur cos cu wordo divulga eyden por wordo treci den claridad al instante.

Raymond Gradus a duna un splicacion hopi amplio. Berdad a mustra cierto preocupacionnan pa cu e begroting 2020 cu mester wordo aproba ainda cual apenas ta saliendo for di Raad van Advies y mester cana su caminda ainda promer cu e yega Parlamento. Raymond Gradus, voorzitter di CAFT den su splicacion a repasa aña 2019.

Sorpresa pa CAFT
Presupuesto 2019 a resulta finalmente mucho mas mihor cu a anticipa. Nos por corda cu november aña pasa nos a splica cu e deficit cual mester alcansa -25 miyon florin den aña 2019 di acuerdo cu palabracionnan haci den protocol cu Hulanda y di acuerdo cu informacionnan te cu derde kwartaal ta mustra cu lo sali -4 miyon y asina mucho mas mihor cu a anticipa demostrando un disciplina enorme di gobierno. Pero awor cu a inclui e cifranan real di vierde kwartaal, pues a agrega lunanan october, november y december 2019 esaki a mustra mas mihor. Tur cos ta mustra cu Aruba a logra un Surplus masha chikito. Esaki a sorpresa te hasta e conseho di CAFT unda nan tabata tin un palabra di elogio y compliment pa Aruba. Esaki ta promer biaha den historia cu CAFT a duna Aruba un compliment.

Lo cuminsa paga debenan di Mike
Claro cu nos no ta ainda unda nos lo mester ta y CAFT tabata hopi cla cu den 2020 nos mester cuminsa paga debenan di Mike Eman y AVP. Nos por paga debe solamente momento nos yega na Surplus. Pa 2020 tin presupuesta 25 miyon na Surplus. Pues den 2020 en adelante tras di un maneho inteligente di e gobierno actual lo cuminsa paga e debe cual Mike Eman ta orguyoso di dje. CAFT a manda señalnan fuerte riba AZV y ta pidi pa duna entre otro AZV extra atencion y trece cambionan riguroso aki den. Tin mas punto cu CAFT a elabora riba dje cu nos lo bin otro siman riba nan. Rond 5 aña pasa e deficit tabata 444 miyon bou di Mike Eman y AVP y den apenas 2 aña di Coalicion esaki a yega Surplus. Esaki ta muestra di esfuersonan grandi cu un disciplina extremo pa por a logra esaki. Pabien minister Xiomara Maduro y su Team y pabien Minister President Evelyn Wever Croes, experto riba e tema aki.