Santa Cruz – Diasabra mainta cuerpo policial tawata man bastante druk. Esaki a cuminsa cu controlnan for di 5’or di marduga efectua door di Motor Unit.
Tawata mainta trempan cu un conoci di polis Fam Rasmijn(conoci pa cana cu hopi cacho) na stuur di un Hummer a nenga stopteken di Motor Unit. Esaki a tuma luga na rotonde di Pos Chikito.
Mesora agentenan di Motor Unit a sali tras di e Hummer, cu a cuminsa hisa velocidad y coriendo masha iresponsabel mes.
Di e manera aki a cuminsa un persecusion.
Altura di Shahai na Macuarima e Hummer a cuminsa pasa auto y biniendo di panort e ta topa cu un patruya.
Pa evita un boksmento frontal cu un auto grandi asina e patruya a kita na su man robes, y di e manera aki e Hummer a dal contra patrouille wagen.
Eynan polis a aresta tur tres persona den e auto y a hibanan warda di polis eybanda mes.
Pa loke ta e boksmento contra e auto di polis a pidi pa Departamento di Trafico.
Recherche tambe tin atencion pa e caso serio aki.