Home Police Feto di abortus a prueba cu tata (36) tawata abusa sexualmente di...

Feto di abortus a prueba cu tata (36) tawata abusa sexualmente di su yiu muhe menor di edad

SHARE
Oranjestad – Aruba
E siman aki corte a trata un caso sumamente hororoso, inimaginabel y cu a shock e comunidad Arubano. Un caso cu ta consisti di abuso sexual cometi pa un tata contra su yiu, embaraso, aborto y evidencia forensico. Segun informacion ricibi, un homber di incial A.J. Antersijn(36) a abusa sexualmente di yiu muher durante juni y juli di 2018.
Anteriormente e abusador a wordo deteni caba pa abuso sexual contra di su yiu muher menor di edad. E homber a nenga te na morto di a comete algo asina. Den e caso ey huez a tuma e palabra di e abusador contra di e victima, y a laga e homber liber.
Lamentablemente, locual si a haci e diferencia awor ta e hecho cu e tata a embarasa su yiu muher menor.  Un aborto di e feto a wordo haci y a wordo confisca pa Ministerio Publico. E feto a wordo manda Hulanda pa asina e Instituto Forensico Hulandes haci su investigacion. Muestra di DNA a wordo tuma for di e abusador pa asina haci un comparacion.
Momento cu a haci e investigacion a sali na cla cu e feto a ser concebi via incest, pues abuso sexual di e tata contra su yui menor.  E hecho aki a sirbi pa a confirma e palabranan di e victima. Hues a condena e homber na 4 aña y 6 luna di prison.
Por conclui cu den e caso aki, e feto aborta a haci un diferencia grandi den e sentencia di hues. Pues e abuso mester a progresa pa uno cu a resulta den embaraso pa asina convence e hues den duna un sentencia di poco mas tempo. Hopi critica tin riba e sentencia cortico cu e pedofil aki y otronan ta hayando di castigo aki na Aruba. Aunke cu castigo di prison no ta kita e daño psicologico y fisico cu victimanan ta keda cune.

Aruba tin un problema di abuso sexual enorme entre familiar cu a wordo ignora pa decadanan. Awor comunidad a cuminsa bira mas consciente di e importancia pa denuncia actonan di abuso.
Victimanan cu nunca a ricibi tratamento psicologico pa e abuso sexual ricibi den nan infancia ta encontra dificultadnan como adulto.
Como adulto personanan ta keda cu ansiedad, miedo di confia otro persona, dolornan chronico, un imagen negativo di nan curpa (un sintimento cu nan curpa ta ‘fies’), PTSD(post traumatic stress disorder), problema cu uzo di droga o alcohol etc. E trauma di abuso sexual ta uno grandi y mester denuncia abusadornan.
NOTA: A pone e balki preto NO pa proteha e tata pero pa proteha identidad di e menor.