Home Local Aruba Bank ta promove cultura durante celebracion di carnaval di Ceque College

Aruba Bank ta promove cultura durante celebracion di carnaval di Ceque College

SHARE

ORANJESTAD – Aruba Bank a sostene Ceque College cu nan celebracion di carnaval y tabata presente na e eleccion di reina.

Desde 10:00am te cu 1:00pm e studiantenan tabata apoya e reinanan cu a participa. Cada participante a bin cu diferente tema, unda cu nan trahe tabata di materialnan recicla. Manera ta custumber, e evento tabata uno hopi bon organisa y e miembronan di hurado tawata tin e tarea dificil pa scoge e reina. Cada participante a haci nan maximo esfuerso, mustrando nan creatividad riba escenario.

Representante di Aruba Bank, Michelle Harms, a forma parti di e panel di hurado y pa por a scoge e reina di scol no tabata uno facil. Aruba Bank ta sigui sostene e Carnaval cu ta parti di cultura di Aruba. Nos ta contento di por a aporta na e evento di positivo aki pa hobennan. Aruba Bank ta felicita Noémy Palm, corona como e reina di Ceque College 2020.