Home Politics Parlamentario Alan Howell ta sigui pusha pa mas adelanto pa San Nicolas

Parlamentario Alan Howell ta sigui pusha pa mas adelanto pa San Nicolas

SHARE

 

 

Alan Howell durante reunion publico cu a tuma lugar diahuebs pa asina trata e rapport di Contraloria General ‘Bo Aruba’, a probecha e ocasion pa haci algun pregunta na e mandatarionan presente.

El  a puntra Prome Minister con leu e alocacion di fondo ta pa por logra yega na renovacion di Hulpbestuurskantoor San Nicolas. Contrario na e otro barionan, gobierno anterior no a traha ningun MFA pariba di brug, pasobra e hendenan di San Nicolas toch ta sostene e partido, aunke awo e personanan aki si ta mirando un otro imagen. 

Tambe el a haci pregunta na ministernan di Infrastructura y Finansa riba con ta para den e presupuesto 2020 pa loke ta e Wegen en Infrastructuurfonds (WIF) cual a pidi pa bin cune bek den un mocion di POR y a wordo aproba tambe den Parlamento na augustus aña pasa.  Den e mocion a papia di un fondo di 9 miyon y ta considera necesario pa por sigui haci un bon trabou riba nos careteranan.

Otro pregunta na Minister di Infrastructura ta riba e situacion di e bermen mirando cu e mandatario di Infrastructura anterior tabatin e prioridad hunto cu DOW pa pone esakinan na scolnan, pero lo kier waknan den e diferente bario tambe. Igualmente el a puntra riba e bidding cu mester tuma luga pa instalacion di e lusnan di caya nobo den Bernhardstraat.