Home » Legendario futbolista Pelé (79) deprimi y cu berguensa di sali den publico despues di problema di salud

Legendario futbolista Pelé (79) deprimi y cu berguensa di sali den publico despues di problema di salud

by Admin
0 comment 56 views

Legendario futbolista Brasilero Pelé no kier sali di cas y enfrenta publico. Aña pasa e tripel ganador di Mundial a keda hospitalisa despues di un infeccion orinario.

Actualmente Pelé (79 aña) a keda cu problema di heup y mester asistencia di looprek o di un rolstoel pa por move. E ex-futbolista cu tawata un di e mihor den su tempo, awor ta hopi timido y solitario, segun cu su yiu homber Edinho a conta media Brasilero.

Tempo di su tempo, Pelé a score un record mundial di 1281 gol den e 1363 aparicionan durante su carera. Su salud a keda un punto di preocupacion den e delaster añanan. E edad halto di Pelé sigur ta hunga un rol pa locual ta su problemanan o kehonan di salud.

Su yiu homber a splica cu  “imagina con e tawata un rey, un figura semper fuerte, Y awor e no por ni cana bon mas. E a keda cu berguensa, e no kier sali y wordo mira pa publico o haci cualkier cos cu ta rekeri sali for di cas.”

E a keda hopi fragil despues cu su heup a wordo reemplasa. E no a haya terapia o rehabilitacion adequa pa e operacion haci. Pues e a keda cu problema pa ta mobil y esey a causa e depression cu Pelé tin actualmente.

Pelé ta sigur un figura cu lo keda un icono den e mundo di deporte.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio