Control di porta electrico lo a haya un kortsluiting

Scopapelstraat – Dialuna anochi pa mas o menos 10’or polis a bay pa un supuesto cas na candela den area di Tarabana.

Na yegada den Scopapelstraat a resulta cu  danki Dios no tawata tin niun cas na candela.

Loke si por a haya holor di dje tawata manera plastic of algo asina cu a kima.

Na e dicho adres polisnan a haya informacion cu probablemente e control di un porta electronico lo a kortsluit.

Pero esnan presente mes a domina e situacion cu a presenta.

Ta un poco straño si cu hende a yama bisa cu ta un cas completo lo ta na candela.