Accidente ariba crusada di Avenida Milo Croes y Awakatistraat dialuna mainta

Avenida Milo Croes  – Dialuna mainta trempan polis a bay crusada di Awakatistraat cu Avenida Milo Croes, unda lo tin un accidente cu hende herida.

Na yegada di patruya di Playa mesora nan a bay controla esnan den e auto, pero a resulta cu danki Dios no tawata tin hende herida.

E autonan envolvi tawata un Nissan y un Toyota.

Den ambos auto tawata tin mucha, pero no tawata herida.

Asina mes Ambulance a presenta pa a controla esnan cu tawata envolvi.

Falta di preferencia ariba e crusada a hunga un rol. Polis di trafico su presencia tawata necesario.