Ban yuda combati criminalidad riba lama y na nos Costanan, cualke movecion sospechoso, yama mesora 913 y asina yuda combati criminalidad.
Durante e temporada di Carnaval Kustwacht lo intensiva su control y lo patruya cu mas frecuencia.
Kustwacht di e teritorio di Caribe, lo intensiva nan controlnan y lo patruya cu mas frecuencia, e motibo ta cu for di experiencia ta conoci cu durante e periodo di Carnaval e cantidad di traficacion di contrabanda y cosnan ilegal ta aumenta. Barconan ta trata na yega tera cu mas hopi articulonan ilegal cu nan por den e temporada aki. .
Durante e periodo di carnaval, Kustwacht a dicidi di aumenta su controlnan y patruya cu mas frecuencia cu e intension di para tur boto sospechoso.
Tambe nan ta pidi cooperacion di tur persona pa ta alerto pa si acaso nan mira cualke situacion sospechoso riba lama of na costa, pa mesora avisa Kustwacht. Kustwacht ta disponibel 24 ora pa dia na e number 913.
Ban aporta y yuda Kustwacht protega nos lama y nos costanan.