54
Den próksimo dianan, e kontrolnan dirigí riba shofùrnan ku ta manehá vehíkulo bou di influensia di alkohòl, ta kontinuá. Sigur durante di temporadanan di karnaval, lo intensivá e kontrolnan aki aun mas.
Pa evitá ku bo ta kore rísiko di wòrdu detené òf pèrdè bo vehíkulo temporalmente pasobra bo tin un promilage di alkohòl mas ku ta permití, polis ta rekomendá pa si bo ta bai bebe, bai ku un persona ku sí ta sobrio.
E persona aki lo por kore bo vehíkulo pa bo di manera ku bo no ta haña bo ku problema ku hustisia i alabes bo tin e garantia ku bo ta yega kas seif.