Home Entertainment ARUBA MARRIOTT DEN PLENO PREPARACION PA SU ELECION DI REINA DIA 13...

ARUBA MARRIOTT DEN PLENO PREPARACION PA SU ELECION DI REINA DIA 13 DI FEBRUARI

SHARE

 

 

PALM BEACH, ARUBA – February 2019 – Aruba Marriott actualmente ta den pleno preparacion pa su elecion di reina di carnival, cual ta tumando lugar diahuebs 13 di februari na Centro di Bario Noord cuminsando pa 7:00 pm di anochi. 

 

Asociadonan di diferente departamento lo bini hunto cu famia y amigonan pa asina apoya nan candidata faborito durante e anochi special aki. En total tin 12 participante; 7 reina di carnival y 5 sra. carnival. Tur e participantenan hunto cu nan coleganan ta finalizando e ultimo detayenan di nan presentacion pa asina duna un tremendo show representando cada un di nan departamentonan. E tema e biaha aki lo ta Aruba Marriott su 25 aña di anniversario cu enfoque riba locual ta sostenibilidad, unda e material cu lo wordo usa pa e shimis di cada reina mester ta recicla. 

 

Diaranzon dia 29 di januari a tuma lugar e trekmento di lot durante e programa di Den Dje na Tele Aruba unda cada participante a escohe nan number pa e elecion. 

 

Categoria Reina di Carnaval:

  1. Sjerrilaika Paesch – Food & Beverage Ocean Club
  2. Sheena Thiel Robinson – Front Office Resort 
  3. Larissa Hayes – Front Office Surf Club
  4. Naomi Chayadi – Accounting and Events & Banquet
  5. Luisanne Lopez – Kitchen and Food & Beverage Resort 
  6. Felicia Halman – Engineering Ocean Club
  7. Vanesa Croes – Front Office Ocean Club 

 

Categoria Sra. Carnaval:

  1. Edith Henriquez – Stellaris Casino
  2. Almeida Ignacio – Housekeeping Surf Club  
  3. Jean Kelly – At Your Service 
  4. Milushka Martinez Tromp – Housekeeping Resort 
  5. Rosa Rasmijn – Front Office Ocean Club

 

Entrada ta completamente gratis y bar y cushina lo ta bon surti durante e anochi aki. Y tur fondo genera di e cushina lo bay pa Centro di Bario Noord. Aruba Marriott ta invita comunidad di Aruba completo pa bin disfruta di un elecion di reina di carnival yena cu ambiente y goso diabuebs 13 di februari na Centro di Bario Noord cuminsando pa 7:00 pm di anochi.