Oranjestad – Diaranson den oranan di mainta melding a drenta cu un boto bou e nomber Top Gun lo a sink. Esaki tawata ariba e frontera di awa teretorial di Venezuela cu Aruba.
Esaki a pasa 8:40 a.m
Den careda di 7’or di anochi Cuerpo Policial a manda un relato di e susedido pa Prensa local.
“CUERPO POLICIAL ARUBA TA INFORMA:
08.40 melding a drenta via kustwacht cu e boto Topgun ta den problema y sink na frontera maritimo entre Aruba y Venezuela. Un boto Venezolano cu a tende e gritonan di auxilio di e capitan a rescata e dos Rubianonan cu tawata ariba e boto Topgun cu a bolter y a sink mesora. Mesora Polis Maritimo a sali cu e boto direccion y a tuma e dos personan aki over y a hibanan Barcadera. Mester remarca cu e olanan tawata basta grandi cu a hasi e rescate y e tumamento over di e dos tripulantenan casi imposibel. Mirando cu door di e lama malo e dos botonan no por a pega na otro pa pasa e dos tripulantenan over nan mester a bula back den lama tene na un cabuya pa despues subi e boto di polis maritimo”.