Motociclista herida despues di a accidenta cu su brommer ariba Ser’i Teishi

Ser’i Teishi  – Diamars den oranan di mainta polis a haya informacion di un accidente entre brommer cu auto ariba Ser’i Teishi, mesora patruyanan a cuminsa bay e direccion.

Poco pabou di e rotonde di Ser’i Teishi nan topa cu e motociclista benta ariba caminda.

Tawata trata di un Hayabusa.

Mesora a pidi pa ambulance, debi cu e motociclista tawata kehando di dolor na diferente parti di su curpa.

E tawata na bij y tambe cu helm bisti.

Ariba caminda por a mira un marca, cu ta indica cu elo por a perde control saliendo di e rotonde.

E brommer a keda benta banda zuid.

Na yegada di ambulance mesora nan a cuminsa atende cune, y poco poco a lante pone ariba stretcher pa despues sali direccion Hospital.

Algun familiar di e motociclista a yega na e sitio pa mira kiko tur tawata pasando.

Polis di trafico a presenta y despues di haci algun investigacion e caminda cu wordo cera pa desvia trafico a ser habri bek.