Home History of Aruba No crea identidadnan falso Historia di carnaval di Aruba ta skirbi caba...

No crea identidadnan falso Historia di carnaval di Aruba ta skirbi caba Parti 3

SHARE

Relato skirbi pa Celia Thiel, sociologa

Musica di “Steel” Steelbands

Musica di Steel ta original di Trinidad y ta Trinitarionan a trece Aruba. E isla aki ta un di e promenan den Caribe cu a conoce industrializacion. Ni Saba ni St. Eustatius y ni St. Maarten a pasa den e proceso aki. Na 1943 a yega Trinitarionan pa traha na Lago. Leonard Turner cu ta un smith metal a traha cu e barinan di pitroli, diferente steelpan y e a stemnan. Na 1948 “The invaders” di Leonard Turner, yama ”Shoo shoo baby”, a toca na Falcon Club na Aruba. E miembronan di su banda tawata: Leonard Turner mes como manager, Cardon Buchan, bandleader, F.W. Reefer calypso composer, L. Rogers, L. Mc. Gregor, L. Lang, A. Clacker, F. Whillshire; W. Warren, G. Goswell, L. Feliy, R. Farray, C. Stewart, y R. Gilgrim.
Na 1953 Leonard Turner su banda tawata “All Star Boys” tawata consisti di: Leonard Turner, Harold Craig, Tom Wilson y Vincent Bacchus, cu na Trinidad tawata miembro di “The Invaders”. Esnan di habla Ingles cu a toca steel na Aruba, mayoria a nace despues di 1930 y tin na 1939 mescos cu e otro steelband leadernan. Debi cu e bandleadernan ta di e mesun tempo, no por indica un persona pa esun cu a introduci steelband na Aruba. Na 1971 a gana e compencia di steelbandnan: Divi-Divi Jumping Jewels di Savaneta, na di dos luga a sali: Jumping Jewels (ladies) y na di tres luga: Diamond Steelband. Na 1972 a gana e competencia: Aruba Invaders dirigi pa Edgar Conner; na di dos luga a sali Twinkling Stars di Paradera y na di tres luga a sali: Black Diamonds. Otro bandanan tawata: Eleven Friends, Resd Stars, the J.F. Kennedy Rebels y Aruba Serenaders . Na 1974, United Friends a gana, na di dos luga a sali Silver Stars y na di Tres luga a sali Red Stars.
Tawatin un tempo cu na Aruba e gran mayoria di districtonan tawatin mas cu un steelband. Ora cu e keintura di steelband a pasa, San Nicolas a bai mas den calypso y roadmarch y no a sigui cu steelband. Danki na districto di Noord cu steelband a keda manteni te cu awe.
Ta importante pa realiza cu ora cu trabao a caba, e Trinitarionan mester a bai Trinidad. Esnan di habla Ingels cu a keda, ta esnan si Saba, St. Eustatius y St. Maarten. Nan no a introduci ni carnival, ni calypso ni roadmarch y ni musica di steel na Aruba. Aruba henter a wordo exponi na e cambionan hunto. Aruba henter a carga carnaval. San Nicolas ta uno mas.