Sero Blanco/ Edisonstraat – Diasabra merdia informacion a drenta di un accidente altura di Setar na Blanco.
Na yegada polis a topa cu un Toyota Corolla cu a dal contra un palo di luz, pero e chauffeur mes a sali cana bay.
Esnan cu a mira kiko a pasa a splica polis cu lo tawata trata di un dama.
Mesora esaki a cende un luz cerca e agentenan policial.
Debi cu mainta un Toyota a wordk horta for di Citgo Tanki Leendert y lo ta un dama tawata na stuur.
Pues e auto ariba dje cu ela horte ela dale kibra tambe.
Polis a bay busca y a bin haya e dama den Edisonstraat.
A resulta cu ta un dama adicto conoci di nan.
Mesora a bay over pa aresta e dama.
E dama cu tawata intoxica probablemente di tanto droga y alcohol. Durante su detencion ela haci poco fastioso pero polisnan tawata sa di domine.
Ela wordo hiba den Transportwagen pa Warda di shaba.
Manera a bisa anteriormente, e Toyota a wordo horta for di parkeer plaats di Citgo Tanki Leendert den orman trempan di mainta.
