Alhambra/Frankrijkstraat – Diahuebs algo prome cu merdia empleadonan di un compania di Airco a yama pidi asistencia di polis.
Esaki tawata momento cu nan lo mester a bay haci un trabou na Alhambra un homber a subi e auto y bay cune.
E persona aki cu lo ta sufri di un of otro enfermedad mental a probecha ora cu ela haya e pick up cu yabi den dje.
Mesora ela start auto y bay.
Parse cu te hasta ela dal algun rond cu e auto cerca di Alhambra mes y sin e dos empleadonan por haci algo.
Na yegada di polis nan a conta loke a sosode y polis a tuma tur datos.
Mirando cu e auto di e compania tin GPS instala tawata facil pa por a haye bek.
E preocupacion di e empleadonan tawata e Airconan cu tawata den e baki di e pick up.
Door di e GPS e compania a logra trace e vehiculo y a avisa polis.
E homber a bay direccion Frankrijkstraat y a subi e parkeer plaats di un negoshi eybanda y aki tawata unda cu polis a yega y detene.
Mientrastanto un representante di e compania tawata na caminda y tambe un patruya a trece e dos empleadonan cu keda atras na parkeer plaats di Alhambra.
Transportwagen a yega Frankrijkstraat y a hiba e homber warda di Santa Cruz.
