Dia 30 di januari proximo IBiSA ta cuminsa cu e torneo escolar di futbol di sala pa un periodo di 12 dia. E weganan ta tuma luga na Centro Deportivo Libertador Betico Croes for di 3’or pa 5:30 di atardi. E torneo di e deporte menciona ta forma parti di clasificacion pa Olimpiada Escolar 2020. Clasificacion ta bay ta intenso ya cu tin varios scol interesa pa e torneo di futbol di sala. Aña escolar cu a pasa 14 scol a inscribi di cual 12 a presenta. E aña aki inscripcion a aumenta pa 16 scol di cual 6 scol avansa di San Nicolas y 10 scol avansa di Playa cu ta bay bataya.
Na 2019 Abraham de Veer School, Juliana School, Colegio Oranjestad, Colegio San Nicolas, EPB San Nicolas y EPB Hato a clasifica. E biaha aki nan ta bay hunga extra duro pa retene nan clasificacion pa ta un di e 6 scolnan cu ta pasa pa final. E Olimpiada Escolar ta tuma lugar den luna di mei y juni y tin participacion cu deporte individual, deporte den ekipo y baile.
Pa mas informacion como tambe haya e resultado di weganan clasificaticorio por sigui nos riba facebook of instagram IBiSA Aruba
