Catiri/Oranjestad: Diabierna den oranan di anochi recherchenan di Jeugd en Zeden Politie (JZP) a presenta na un cas na Catiri y a detene un homber. Esaki relaciona cu un of mas keho cu lo a wordo oficialmente entrega, cerca e recherchenan di JZP referente abuso sexual di menor.
E kehonan a wordo recientemente entrega contra e sospechoso aki, pa posibelmente mishimento y of penetracion di un of mas menor di edad. Mesora e recherchenan a cuminsa cu un investigacion y diabierna den oranan di anochi recherchenan di JZP a dicidi di presenta na e cas di e sospechoso y a detene. Aparentemente lo tabata tin suficiente prueba pa a bay over na detene.
E sospechoso a wordo transporta pa Warda di polis na Oranjestad y despues di un interrogacion ela wordo transporta pa un otro warda di polis caminda elo keda encarcela pendiente resultado di investigacion. E sospechoso lo meste presente dilanti Fiscal y Hues Comisario, pa mira si ta extende su detencion.
E caso ta bou investigacion y ta den man di Ministerio Publico, no ta conoci y sigur no lo descarta e posibilidad cu lo por cay mas detencion. Recherchenan di JZP ta haciendo nan trabou pa pone esnan cu ta cometiendo abuso sexual cu menor di edad tras di tralie.
