Home » Update: 1400 persona infecta rond mundo cu Coronavirus. 
Coronavirus

Update: 1400 persona infecta rond mundo cu Coronavirus. 

by Admin
0 comment 61 views

Mas cu 1370 persona na China infecta cu e virus. Actualmente e virus a ya plama rapidamente bay diferente parti di Mundo caba. E ta na Europa, Merca y Australia. Na e momento aki tin 14 pais afecta caba.

50 miyon persona na China ta bou di un ‘lockdown’. Pues personanan no mag di move rond libremente paden o pafor di nan cuidad.

Mas trempan awe a sospecha cu 5 persona lo por tin e virus na Schotland, pero esaki a resulta di no ta asina. Nan a test negativo pa e virus.

Mundialmente por bisa cu e infeccion di e virus aki a yega 1400 persona. Mayoria di e casonan ta na paisnan Asiatico. E World Health Organization no a bin cu un melding di crisis ainda pe locual ta e situacion aki.

Presidente di China ta alerta cu e situacion actual ta hopi grave. Merca ta buscando un manera pa evacua su ciudadanonan (esnan cu nacionalidad Mericano) for di Wuhan, China.

E Centro Europeo di prevencion di malesa y control ya a alerta cu Union Europeo sigur lo bay raporta mas caso di e Coronavirus pronto. Francia caba a raporta 3 caso di persona infecta cu e virus. Reino Uni tambe ainda ta purbando di haya contacto cu 2000 persona cu a bin bek for di Wuhan, China.

Tin indicacion cu 1 persona infecta por tin e chens di infecta por lo menos 2 a 3 persona, causando sigur un crecemento rapido den e casonan di persona infecta.

55 persona a fayece caba na China pa motibo di e virus aki. E virus a origina na e cuidad Chines di Wuhan.

Un dokter Chines di 62 aña, Liang Wudong, a fayece. E tawata dunando various persona tratamento pa e virus aki.

Na China, e pais mas afecta gobierno a bin cu medidanan nacional pa identifica y isola por inmediato esnan infecta. Tambe nan ta monitoria transporte publico, avionan y bus. Mirando e demanda halto cu tin pa ayudo medico pa esnan infecta China ta construyendo dos hospital nobo.

Mirando cu mas y mas persona ta fayece for di e virus, China ta bay tene scolnan sera te cu februari 17 pa preveni mas casonan di infeccion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio