132
Arendsstraat – Diasabra den careda di 7:20 di anochi, presencia di polis a wordo pidi cu urgencia na e Iglesia Cristiana La Gran Comision, pa un persona di edad cu lo a cay kap su cabes.
Na yegada nan ta bin haya un muhe di edad benta riba vloer wowonan hancho habri y no tabata reaciona mas. Hende cu tabata den cercania a bisa cu nan a scucha un zonido duro y a bin topa cu e señora benta abou.
Mesora a pidi pa un ambulance cu urgencia, pero na yegada di ambulance e paramediconan no por a haci nada mas pa e señora.
Un homber cu tabata na e sitio a bira malo despues di e incidente y e paramediconan a hibe den ambulance pa nan trat’e.
Polis na e sitio a pidi pa Dokter, Recherche, departamento Tecnico y tambe slachtofferhulp.
Dokter Texier a constata morto natural.