Caya Ritmo/Bubali: Diabierna den oranan di atardi, un habitante di Caya Ritmo ta nota un Nissan March haciendo basta sospechoso banda di su cas, den e auto tabata tin algun hoben y cu tabata humando marihuana, mesora e habitante ta yama polis.
Na yegada e patruya di polis ta topa cu cuatro hoben, pero un di e hobennan mesora ta core bay. Polis a bay atende cu e tresnan, nan a ristanan pero no a hayanan cu nada particular. E auto tabata riba nomber di otro persona y su papelnan no tabata na ordo. E auto a wordo confisca y e doño mes lo mester presenta na warda cu e documentonan corecto pa asina por haya su auto bek.
Na momento cu polisnan tabata buscando e otro hoben cu a huy pa polis, e agentenan ta bin topa cu un hoben cu ta cuadra cu e descripcion duna. Esaki a sosode poco pabou di e rotonde di Bubali.
Polis mesora a par’e, e hoben tabata tin un tas den su poder, polisnan mesora a bay rista e hoben y den e tas nan a bin haya un arma blanco, un grinder pa marihuana, un sakito di marihuana y algun otro articulo mas.
Polis a confisca e cosnan aki, e hoben kende ta un menor di edad a keda deteni, pa motibo cu lo tabata tin ‘droga’ den su poder.
